МҮХАҮТ-ын дэргэдэх Монголын Олон Улсын ба Үндэсний Арбитр, Хуулийн зөвлөхүүдийн зөвлөлөөс уламжлал болгон зохион байгуулдаг “Хуулийн яармаг өдөрлөг” өнөөдөр /2017.04.28/ боллоо.
Өдөрлөгийн нээлтэд МҮХАҮТ-ын Удирдах зөвлөлийн дарга Б.Лхагважав, Монголын Хуульчдын холбооны Ерөнхийлөгч Б.Гүнбилэг нар оролцож, өдөрлөгийн үйл ажиллагаанд амжилт хүссэн.
Монголын Хуульчдын холбоо нь “Хуулийн яармаг өдөрлөг”-т жил бүр оролцож, байгууллагаа танилцуулах, сурталчлах ажлыг зохион байгуулдаг бөгөөд энэ удаа Иргэний эрх зүйн хорооны гишүүн өмгөөлөгчид иргэдэд хууль, эрх зүйн үнэ төлбөргүй зөвлөгөө өгсөний зэрэгцээ Хуульчдын холбоо, түүний бүтцийн байгууллагуудын танилцуулга, мэдээллийг өдөрлөгт оролцогчдод хүргэлээ.
Тус үйл ажиллагаа нь иргэдэд хууль, эрх зүйн үнэ төлбөргүй зөвлөгөө өгөх, хуулийн байгууллагууд үйл ажиллагаагаа танилцуулах, нотариатын үйлчилгээ үзүүлэх зэрэг онцлогтой юм.
