Монголын Хуульчдын холбооны Үндсэн хуулийн эрх зүйн хороо, Хүмүүнлэгийн ухааны их сургуулийн харьяа “Билиг” дээд сургууль хамтран Үндсэн хуулийн мэдлэг, хүний эрхийн боловсролыг дээшлүүлэх зорилгоор “Хүний эрх, эрх чөлөө” сэдэвт сэдэмж бичлэгийн уралдааныг Ерөнхий боловсролын XII ангийн сурагчдын дунд амжилттай зохион байгууллаа.
Энэхүү уралдаанд нийт 21 аймаг, 9 дүүргийн 200 гаруй сурагч оролцсон бөгөөд III шатны шалгаруулалтад 15 сурагч илтгэл бэлтгэн танилцуулсан. Үүнээс нэгдүгээр байрт Нийслэлийн Монгол-Оросын хамтарсан сургуулийн сурагч О.Саран-Анар, хоёрдугаар байрт Нийслэлийн 76 дугаар сургуулийн сурагч Г.Төмөрдолгор, гуравдугаар байрт Сүхбаатар аймгийн 1 дүгээр сургуулийн сурагч М.Нямсүрэн, Нийслэлийн 71 дүгээр сургуулийн сурагч Ц.Энхцэцэг, тусгай байрт Нийслэлийн 11 дүгээр сургуулийн сурагч Л.Түвшинзаяа, Сэлэнгэ аймаг, Хөтөл сумын Ерөнхий боловсролын сургуулийн сурагч Г.Нямсамбуу, Ховд аймгийн Цаст-Алтай сургуулийн сурагч Э.Хулан нар шалгарч, өргөмжлөл мөнгөн шагнал, үнэ бүхий дурсгалын зүйлээр шагнагдав.
