Монголын Шинкиокушинкай каратэгийн холбооноос 2017 оны дөрөвдүгээр сарын 23-ны өдөр зохион байгуулсан "FULL CONTACT KARATE CHAMPIONSHIP 2017" Улсын аварга шалгаруулах тэмцээнд эмэгтэй насанд хүрэгчдийн ангилалд Монголын Хуульчдын холбооны гишүүн, өмгөөлөгч Дашийн Эрдэнэтөгс амжилттай оролцож, тэргүүн байр эзэлжээ. Тэрбээр Монгол Улсаа төлөөлж Олон улсын шинкиокушинкай каратэгийн тэмцээнд оролцох эрхээ авсан байна.
Өмгөөлөгч Д.Эрдэнэтөгс маш богино хугацаанд энэхүү каратэгийн төрлөөр хичээллэж 2017.04.21-ний өдөр Шинкиокушинкай каратэгийн 8 дугаар КЮ бүсний зэрэглэл хангах шалгалтад оролцон каратэгийн цэнхэр бүсний зэрэглэл хангасан бөгөөд Улсын аваргын тэмцээний алтан медалын төлөөх тулаанд ШШГЕГ-ын ажилтан О.Халиунтай тулалдан манлайлжээ.
Эр зориг, авхаалж самбаа, дайчин чанар, тэвчээр хатуужилтай нь ялан гардаг энэхүү тулаанд амжилттай оролцож аваргалсан өмгөөлөгч Д.Эрдэнэтөгс танд баяр хүргэж, цаашдын спортын замналд нь амжилт хүсье.
