Монголын Хуульчдын холбооны зөвлөлийн ажиллах журмын 2.1 дүгээр зүйлийн 3 дахь хэсэгт заасны дагуу Зөвлөл 2017 оны 4 дүгээр сарын 29-ний бямба гаригт хуралдлаа. Тус хурлаар дараах 11 асуудлыг хэлэлцэж, шийдвэрлэлээ. Үүнд:

1. Хуульчийн мэргэжлийн шалгалтын асуудал эрхэлсэн хорооны гишүүнээр хуульч Э.Зоригтбаатарыг, Хуульчийн үргэлжилсэн сургалтын асуудал эрхэлсэн хорооны гишүүнээр хуульч Б.Өнөрмааг, Хууль зүйн шинжлэх ухаан, боловсролын хөгжлийг дэмжих асуудал эрхэлсэн хорооны гишүүнээр хуульч С.Будыг тус тус томилов.  Тогтоолыг ЭНД дарж харна уу. 
2. Мэргэжлийн хариуцлагын хорооны Ажлын албаны дарга С.Нямжавыг өөрийн хүсэлтээр “Мэргэжлийн хариуцлагын хороо”-ны ажлын албаны даргын үүрэгт ажлаас чөлөөлж, тус хорооны Ажлын албаны даргаар хуульч Т.Ганбаатарыг томиллоо. Тогтоолыг ЭНД дарж харна уу. 
3. Хуульч эрдэмтдийг хуульчийн нэгдсэн бүртгэлд бүртгэх эсэх асуудлыг хэлэлцлээ.
4. 2017 оны Хуульчийн мэргэжлийн шалгалтын товыг тогтоолоо.    Тогтоолыг ЭНД дарж харна уу. 
5. Хуульчийн мэргэжлийн шалгалтын журам, Хуульчийн мэргэжлийн дадлагад тооцох журам, Шүүхийн мэргэшлийн болон Ёс зүйн хорооны гишүүнд нэр дэвшүүлэх, санал болгох журмыг тус тус баталж, Хуульчийн үргэлжилсэн сургалтыг зохион байгуулах, багц цаг тооцох журмын 5.2 дугаар зүйлийн 2 дахь хэсэгт өөрчлөлт оруулав. Тогтоолыг ЭНД, ЭНД дарж харна уу. 
6. Анхан шатны шүүхийн шүүгчид нэр дэвшсэн нэг нэр дэвшигчийн мэргэшил, ур чадвар, нэр хүндийн талаарх асуудлыг хэлэлцэн Анхан шатны шүүгчээр ажиллах шаардлагыг "хангана” гэж дүгнэлээ. Тогтоолыг ЭНД дарж харна уу.