Монголын Хуульчдын холбооны Эвлэрүүлэн зуучлалыг дэмжих асуудал эрхэлсэн хорооноос Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүх, Хан-Уул, Баянгол, Сонгинохайрхан дүүргийн Иргэний хэргийн анхан шатны шүүхийн Тамгын газруудтай хамтран Эвлэрүүлэн зуучлах тухай хуулийг сурталчлах “Нээлттэй хаалга”-ны өдөрлөгийг 2017 оны тавдугаар сарын 12-ны өдөр зохион байгууллаа.
Өдөрлөгийн үеэр Эвлэрүүлэн зуучлах тухай хуулийг сурталчлахын зэрэгцээ иргэдэд эвлэрүүлэн зуучлалын асуудлаар үнэ төлбөргүй зөвлөгөө өгсөн. Тодруулбал, зургаан эвлэрүүлэн зуучлагч, зургаан өмгөөлөгч Шүүхийн Тамгын газарт байрлан ажиллаж, 50 гаруй иргэнд хууль зүйн үнэ төлбөргүй зөвлөгөө өгсөн юм.
Дашрамд дуулгахад, Монголын Хуульчдын холбооны Эвлэрүүлэн зуучлалыг дэмжих асуудал эрхэлсэн хорооноос тавдугаар сарыг "Эвлэрүүлэн зуучлалыг дэмжих сар" болгон зарлаад байгаа билээ.
