2017 оны 05 дугаар сарын 17-ны өдөр.
Өргөдөл, холбогдох бичиг баримт хүлээн авах хугацаа: 2017 оны 05 дугаар сарын 31-ний 1730 цаг хүртэл Монголын Хуульчдын холбооны 506, 403 тоотод хүлээн авна.
Зорилго: Шүүхийн захиргааны тухай хуулийн 32 дугаар зүйлийн 32.3 дахь хэсэгт “Ёс зүйн хорооны гишүүнд анхан болон давж заалдах, хяналтын шатны шүүхийн шүүгчдийн зөвлөгөөнөөс тус бүр нэг, Хуульчдын холбооноос гурав, хууль зүйн асуудал эрхэлсэн төрийн захиргааны төв байгууллагаас гурван хүний нэрийг дэвшүүлнэ. Ёс зүйн хорооны бүрэлдэхүүнд шүүгч, Ерөнхий зөвлөлийн болон шүүхийн захиргааны байгууллагын ажилтан, өмгөөлөгч, прокурор орохыг хориглоно.” гэж заасныг үндэслэн Шүүхийн ёс зүйн хорооны нэг гишүүний бүрэн эрхийн хугацаа дуусч байгаатай холбогдуулан нэр дэвших сонирхолтой хуульчдаас материал хүлээн авч, сонгон шалгаруулж Монгол Улсын Ерөнхийлөгчид санал болгох.
Тавигдах шаардлага: Нэр дэвшигч нь Шүүхийн захиргааны тухай хуулийн 32 дугаар зүйлд заасан шаардлагыг хангасан, өргөдөл түүнд холбогдох бичиг баримтыг бүрэн гүйцэт, тогтоосон хугацааны дотор ирүүлсэн байна.
Бүрдүүлэх бичиг баримт:
1. Шүүхийн Ёс зүйн хорооны гишүүнд нэрээ дэвшүүлэх тухай өргөдөл.
2. Монгол Улсын иргэний үнэмлэхийн хуулбар;
3. Хуульчийн мэргэжлийн үйл ажиллагаа эрхлэх зөвшөөрлийн хуулбар;
4. Ажиллаж байгаа бол эрхэлсэн ажлын байдал, хамт олны доторх нэр хүнд,
зан төлөвийн тухай аж ахуйн нэгж, байгууллагын захиргааны 3-аас илүүгүй
тодорхойлолт;
5. Маягтын дагуу бөглөсөн нэр дэвшигчийн мэдээлэл. /маягтыг эндээс ТАТАЖ АВАХ/
Нэр дэвшигчийг тодруулах журам: Монголын Хуульчдын холбооны зөвлөлийн хурлын 2017 оны 04 дүгээр сарын 29-ний өдрийн хурлаар батлагдсан “Шүүхийн мэргэшлийн болон Ёс зүйн хорооны гишүүнд нэр дэвшүүлэх, санал болгох журам”-д заасны дагуу шийдвэрлэнэ.
Холбогдох утас: 70116004, 70116364
