Монголын Хуульчдын холбооны Өмгөөлөгчдийн хорооны тэргүүн Д.Түвшинтамираар ахлуулсан Хуульчдын холбооны төлөөлөгчид БНХАУ-ын Засаг захиргааны онцгой бүс Хонгконгийн Хуульчдын нийгэмлэгээс тус байгууллагын 110 жилийн ойн хүрээнд зохион байгуулсан “Бүс нутаг болон зам: Холбоо харилцаа, конвергенци, хамтын ажиллагааны хурдасгуур” сэдэвт олон улсын хуралд амжилттай оролцоод ирлээ.

    Хурлын үеэр “Хоёр талт болон олон талт худалдаанд тулгарч буй асуудал, түүнийг шийдвэрлэх арга зам”, “Олон улсын худалдаа дахь цахим хэрэглэгдэхүүн”, “Хил дамнасан маргаантай холбогдох маргааныг шийдвэрлэх нь” сэдвээр салбар хуралдаан зохион байгуулагдсан бөгөөд тус хуралд 40 гаруй орны 600 гаруй хуульч, судлаач, эрдэмтэд оролцсон байна.

    Мөн тус хуралд Хуульчдын холбооны гишүүн хуульч, Д.Мөнхтуул (Шүүгчдийн хороо), Ж.Сандагсүрэн (Прокурорын хороо), Д.Нямдорж, Л.Золзаяа, С.Цацралтуяа, П.Сумъяа, Д.Амармөнх, Б.Дэлгэрмаа, Б.Мөнгөннахиа, Д.Оюун нар амжилттай оролцлоо.

ГАДААД ХАРИЛЦАА, ХАМТЫН АЖИЛЛАГААНЫ ХЭЛТЭС