Хуульчийн эрх зүйн байдлын тухай хуулийн 45 дугаар зүйлийн 45.1.1, 14 дүгээр зүйлийн 14.1 дэх хэсгийг тус тус үндэслэл Монголын Хуульчдын холбоо нь 2017 оны Хуульчийн мэргэжлийн шалгалтыг 2017 оны 08 дугаар сарын 16,17,18-ны өдрүүдэд Улаанбаатар хотод зохион байгуулна.

    Хуульчийн эрх зүйн байдлын тухай хуулийн 14 дүгээр зүйлийн 14.4-т заасны дагуу Хуульчийн мэргэжлийн шалгалтын бүртгэл 2017 оны 06 дугаар сарын 02-ны өдрөөс эхэлж, 2017 оны 07 дугаар сарын 16-ны өдрийн 00:00 цагт дуусна.

    Хуульчийн мэргэжлийн шалгалтыг сорилго, бодлого гэсэн дарааллаар авна. Сорилгын шалгалт нь 200 асуултаас бүрдэх бөгөөд үргэлжлэх хугацаа 200 минут, бодлогын шалгалтад нэг бодлогыг бодох хугацаа 150 минут байна.

    Хуульчийн мэргэжлийн шалгалтын бүртгэлийг https://burtgel.mglbar.mn/ цахим хаягаар явуулна.

    Хуульчийн эрх зүйн байдлын тухай хууль, Хуульчийн мэргэжлийн дадлагад тооцох журам болон шалгалтад бүртгүүлэх заавартай www.mglbar.mn (Монголын Хуульчдын холбооны албан ёсны сайт), https://burtgel.mglbar.mn/  (Шалгалтын бүртгэлийн цахим хаяг) цахим хуудаснуудад хандан танилцах боломжтой.

Холбоо барих утас: 70116004 (Хуульчийн мэргэжлийн шалгалтын хороо хариуцсан мэргэжилтэн)

МОНГОЛЫН ХУУЛЬЧДЫН ХОЛБОО