Олон улсын хөдөлмөрийн байгууллагаас (ОУХБ) хөдөлмөрийн хууль болон бусад хууль тогтоомжийг шинэчлэх, хэрэгжүүлэх, гомдол гаргах механизмыг сайжруулах, хуулийн хүрээнд үнэн зөв шийдвэрлэхэд техникийн туслалцаа үзүүлж, үндэсний чадавхийг бэхжүүлэх зорилгоор Итали Улсын Турин хотод 2017 оны 05 дугаар сарын 22-оос 06 дугаар сарын 02-ны өдрүүдэд “Хуульч, шүүгч, хуулийн боловсрол олгогчдод зориулсан Олон улсын хөдөлмөрийн хэм хэмжээ” сэдэвт сургалтыг зохион байгуулсан бөгөөд тус сургалтад Монголын Хуульчдын холбооны гишүүн, хуульч Д.Монголжингоо амжилттай хамрагдаж, гэрчилгээгээ гардан авлаа.

    Сургалт дараах сэдвийн хүрээнд суралцагчдын идэвхтэй оролцоонд тулгуурлан явагдсан байна. Үүнд:  

• Олон улсын хөдөлмөрийн хэм хэмжээ болон тогтолцоо;
• Хөдөлмөр эрхлэлтийн стандарт бус хэлбэр;
• Олон улсын хөдөлмөрийн хэм хэмжээг дотоодын практикт хэрэглэх нь (монист болон дуалист системтэй улс орнуудын жишээн дээр);
• Нийгмийн хамгааллын тогтолцоо болон хүртээмжийн өсөлт;
• Олон улсын хөдөлмөрийн байгууллагын хяналтын тогтолцоо;
• Сайн засаглал дахь даяарчлагдсан хөдөлмөр эрхлэлт;
• Ирээдүйн ажил;
• Ажлаас хууль бусаар халах;
• Эвлэлдэн нэгдэх эрх чөлөө;
• Хөдөлмөрийн аюулгүй байдал, эрүүл ахуйн хэм хэмжээ, түүний хэрэглээ;
• Хүүхдийн хөдөлмөр эрхлэлт.

    Сургалтад нийт 17 улс орны 35 хуульч, шүүгч, хуулийн боловсрол олгогчид хамрагдсан бөгөөд сургалт лекц, семинар болон багийн хэлэлцүүлгийн хэлбэрээр явагдсан байна.

ГАДААД ХАРИЛЦАА, ХАМТЫН АЖИЛЛАГААНЫ ХЭЛТЭС