Монголын Хуульчдын холбооны төлөөлөл 2017 оны 05 дугаар сарын 31-нд Олон улсын “Дачэн дентонс” өмгөөллийн нөхөрлөлийн ажлын байран дээр нь зочилж, үйл ажиллагаатай нь танилцаж, тус нөхөрлөлийн удирдлагуудтай санал солилцлоо.
Уулзалтад Монголын Хуульчдын холбооны Тамгын газрын дарга Ц.Ганболд, Сургалтын хороо хариуцсан мэргэжилтэн Г.Санчир, “Дачэн дентонс” өмгөөллийн нөхөрлөлийн Монгол дахь захирал, партнер Д.Нандинцэцэг, Гадаад харилцаа хариуцсан захирал Т.Бат-Оргил, Хятад улс хариуцсан партнер Ө.Янжинлхам нар оролцсон юм.
Уулзалтаар Хуульчдын холбоо, Өмгөөллийн нөхөрлөл хоорондын уялдаа холбоог сайжруулах, хамтран ажиллах боломжийн талаар санал солилцохын зэрэгцээ хуульчдыг хэрхэн чадавхжуулах асуудлаар ярилцсан.
Сонирхуулахад, Олон улсын “Дачэн дентонс” өмгөөллийн нөхөрлөл нь 56 улсын 180 гаруй хотод үйл ажиллагаа явуулдаг бөгөөд Монгол Улсад 2013 оноос хойш үйл ажиллаагаа явуулж буй юм.
