Австрали Улсаас Монгол Улсад суугаа Элчин сайдын яамнаас “Direct Aid Program” хөтөлбөрийн хүрээнд Бичил төслийн сонгон шалгаруулалтыг зарласан бөгөөд тус хөтөлбөрт ашгийн бус чиглэлээр үйл ажиллагаа явуулж буй бүлэг хүмүүс болон төрийн бус байгууллагууд англи хэл дээр өргөдөл гаргах замаар хамрагдах боломжтой юм.

    Тус хөтөлбөр нь 2003 оноос хойш амжилттай хэрэгжиж байгаа бөгөөд өнгөрсөн хугацаанд Монгол Улсын нийт 100 гаруй байгууллага хамрагдаж 113 төслийг нийгэм, эдийн засаг, эрүүл мэнд, хөдөө аж ахуйн зэрэг салбарт амжилттай хэрэгжүүлсэн байна.

    2017-2018 оны хөтөлбөрт дор дурдсан салбарын төсөлд санхүүжилт олгох юм. Үүнд:

• Нийтийн эрүүл мэнд;
• Хөдөө аж ахуй;
• Хүйсийн тэгш байдал, эмэгтэйчүүдийн манлайлал, эмэгтэйчүүд болон хүүхдийн эрхийг хамгаалах;
• Хөгжлийн бэрхшээлтэй хүүхдүүдийн боловсрол;
• Хүүхэд, залуучуудыг чадавхжуулах;
• Сайн засаглалыг дэмжих, төрийн бус байгууллагын үйл ажиллагааг бэхжүүлэх;
• Ялгаварлан гадуурхалтыг арилгах;
• Агаар, ус, газар болон орчны бохирдлоос урьдчилан сэргийлэх;
• Хүмүүнлэгийн тусламж гэх мэт.

    Өргөдлийг 2017 оны 06 дугаар сарын 23-ны өдрийн 17:00 цагаас өмнө (Монголын цагаар) Mongolia.embassy@dfat.gov.au цахим шуудангийн хаягаар хүргүүлэх юм байна.

    Жич: Хөтөлбөрийн талаарх дэлгэрэнгүй мэдээллийг доорх холбоосоор орж авна уу. http://dfat.gov.au/people-to-people/direct-aid-program/Pages/direct-aid-program.aspx

ГАДААД ХАРИЛЦАА, ХАМТЫН АЖИЛЛАГААНЫ ХЭЛТЭС