Хуульчдын холбооны Захиргааны эрх зүйн хорооны гишүүдийн өдөрлөг 2017 оны зургадугаар сарын 17-нд боллоо.

    Өдөрлөгийн үеэр MSc, M.Coun, Австралийн Сэтгэл зүйчдийн холбооны гишүүн, сэтгэл зүйч А.Хонгорзул “Хуульчийн стресс менежмент” сэдвээр, “Отгонтэнгэр” их сургуулийн Хууль зүйн сургуулийн Нийтийн эрх зүйн тэнхимийн эрхлэгч, докторант С.Эрдэнэболор “Төрийн албан хаагчид хүлээлгэх сахилгын шийтгэл ба хууль зүйн хугацаа” сэдвээр, Чингэлтэй дүүргийн Иргэний хэргийн анхан шатны шүүхийн шүүгч, Тилбургийн их сургуулийн докторант Н.Баярмаа “Харьцуулсан гэрээний эрх зүй: гэрээг судлах эрх зүйн хандлага” сэдвээр илтгэл хэлэлцүүлсэн.

    Мөн өдөрлөгт оролцсон гишүүдийг 5 багт хувааж, Захиргааны ерөнхий хуулийн хүрээнд даалгавар өгч, шилдэг багийг шалгаруулсан. Түүнчлэн энэ үеэр “Захиргааны хэргийн шүүхэд нийтийн ашиг сонирхлыг төлөөлөх нь” гарын авлагыг гишүүддээ үнэ төлбөргүй олгосон бол Хууль зүйн доктор (Ph.D) П.Одгэрэлийн "Захиргааны эрх зүйн ерөнхий анги", "Татварын эрх зүй", Хууль зүйн доктор (Dr.jur) Д.Сүнжидийн "Захиргааны ерөнхий хууль: Үзэл баримтлал, хэрэглээ" зэрэг шинэ гарсан номнуудыг хямдралтай үнээр худалдаалсан юм.