Монголын Хуульчдын холбооны Өмгөөлөгчдийн хороо, Иргэний эрх зүйн хороо нь Монголын Хуульчдын холбооны гишүүн хуульчдад шүүхийн өмнө төлөөлөх чиглэлээр нь “Мэргэшсэн хуульч” нэршил хэрэглэх эрхийн батламж олгох, түүнийг цуцлах үйл ажиллагаа болон мэргэшсэн хуульчдад тавигдах шаардлага, шалгуур үзүүлэлтийг тогтоож хэрэгжүүлэхтэй холбогдсон харилцааг зохицуулах зорилготойгоор “Мэргэшсэн хуульч” нэршил хэрэглэх эрхийн батламж, түүнийг олгох журмын төслийн  боловсруулсан билээ.

    Энэхүү журмын төслийн хэлэлцүүлгийг 2017 оны 6 дугаар сарын 22-ны өдөр “Хуульчдын танхим”-д зохион байгуулсан бөгөөд шүүгч, прокурор, өмгөөлөгч бусад хуульчдын төлөөлөл бүхий нийт 40 гаруй хуульч оролцож, санал солилцлоо. Хэлэлцүүлгийг Өмгөөлөгчдийн хорооны тэргүүн Д.Түвшинтамир, Иргэний эрх зүйн хорооны тэргүүн Г.Даваадорж, Өмгөөлөгчдийн хорооны удирдах зөвлөлийн гишүүн Э.Ганхөлөг нар удирдан зохион байгуулсан юм.

    Энэхүү журам хэрэгжиж эхэлснээр эрүү, иргэн, захиргааны хэргийн шүүхэд бусдын эрхийг төлөөлж оролцож байгаа хуульч, өмгөөлөгч нар улам бүр нарийн мэргэшихэд чухал ач холбогдолтой.