Сэлэнгэ аймгийн Ерөө, Мандал, Хүдэр, Төв аймгийн Батсүмбэр, Эрдэнэ зэрэг сумдад гал түймэр гарч, Монгол орны байгаль орчинд үлэмж хэмжээний хохирол учраад буй. Иймд гал галыг унтраах ажиллагаа явуулж буй алба хаагчдад сэтгэл санааны болон эд материалын, хүн хүчний дэмжлэг үзүүлье гэсэн уриалга гарсан билээ. Энэхүү уриалгыг Монголын Хуульчдын холбооны Ерөнхийлөгч Б.Гүнбилэг, Тамгын газрын дарга Ц.Ганболд нар дэмжин хүлээн авч хувиасаа мөнгөн тусламж үзүүлсэн бол Тамгын газрын хамт олон, Мэргэжлийн хариуцлагын хорооны Ажлын албаныхан, Орон нутагт дахь салбар зохицуулагчдын зүгээс 1.000.000 /нэг сая/ төгрөгийг хандивлалаа. Хандивыг Монголын Хуульчдын холбооны Тамгын газрын дарга Ц.Ганболд, Мэргэжлийн хариуцлагын хорооны Ажлын албаны дарга Т.Ганбаатар нар өнөөдөр ОБЕГ-ынханд гардуулан өгөв.
