Шүүгч, хуульч, сургагч багш нарт зориулсан “Олон Улсын хөдөлмөрийн хэм хэмжээ” сэдэвт сургалт эхэллээ

    Монголын Хуульчдын холбоо нь Олон улсын хөдөлмөрийн байгууллага болон түүний харъяа Олон улсын сургалтын төвтэй хамтран шүүгч, хуульч, сургагч багш нарт зориулсан “Олон Улсын хөдөлмөрийн хэм хэмжээ” сэдэвт сургалтыг 2017 оны 08 дугаар сарын 21-25-ны өдрүүдэд “Бага баян-Энхийн төлөө” цогцолборт зохион байгуулж байна.

    Сургалтын нээлт  өнөөдөр болсон бөгөөд нээлтийн үйл ажиллагаанд Монголын Хуульчдын холбооны Тамгын газрын дарга Ц.Ганболд оролцож, сургалтад оролцогчдод амжилт хүссэн.

    Шүүгч, хуульч, сургагч багш нарын Олон улсын хөдөлмөрийн эрх зүйн талаарх мэдлэг, чадварыг дээшлүүлж дотоодын түвшинд олон улсын хөдөлмөрийн хэм хэмжээг хэрэглэх, туршлага судлах зорилготой энэхүү сургалтын сургагч багшаар Зүүн болон Зүүн өмнөд Ази, Номхон далайн орнуудыг хариуцсан ОУХБ-ын Зохистой хөдөлмөр эрхлэлтийн багийн Олон улсын хөдөлмөрийн хэм хэмжээ болон хөдөлмөрийн эрх зүйн асуудал хариуцсан ахлах мэргэжилтэн Алайн Пильс, Итали Улсын Турин хот дахь ОУХБ-ын харъяа Олон улсын сургалтын төвийн Олон улсын хөдөлмөрийн хэм хэмжээ, хөдөлмөр эрхлэлтийн эрх, хүйсийн эрх тэгш байдлыг хариуцсан сургалтын хөтөлбөрийн мэргэжилтэн Олена Вазуншка болон Гүрж Улсын ОУХБ-ын Үндэсний зөвлөх, Тбилисийн Улсын их сургуулийн Хууль зүйн сургуулийн зочин профессор, Гүрж Улсын Хуульчдын холбооны гишүүн Закари Швелидзе нар ажиллаж байна.

    Дотоодын шүүхэд хөдөлмөрийн маргааныг хянан шийдвэрлэхдээ олон улсын хөдөлмөрийн хэм хэмжээг ашиглахгүй байх явдал түгээмэл байгаа тул гишүүн улсуудын хуульч, шүүгч нарт зориулж Олон улсын хөдөлмөрийн байгууллагаас олон улсын хөдөлмөрийн хэм хэмжээний талаарх сургалтуудыг зохион байгуулдаг аж. Энэ удаагийн сургалт нь дараах сэдвийн хүрээнд зохион байгуулагдах юм. Үүнд:

  • Сэдэв 1: ОУХБ болон олон улсын хөдөлмөрийн хэм хэмжээ: ОУХБ-ын гол баримтлах зарчмууд болон дотоодын хууль, тогтоомжинд  ОУХС-ын процессыг нэвтрүүлэх;
  • Сэдэв 2: Дотоодын шүүгч, хуульчид Олон улсын хөдөлмөрийн хуулийг хөдөлмөрийн хэрэг маргаан шийдвэрлэхэд хэрхэн, хэзээ ашиглах вэ?: Кейс (Олон улсын Хөдөлмөрийн хэм хэмжээг шүүхийн хэрэглээнд ашиглах нь)
  • Сэдэв 3: ОУХБ-ын удирдлагын ажлыг ашиглах нь: ОУХБ-ын удирдлагын ажил, тэдгээрийн шүүгчид хамааралтай ажил;
  • Сэдэв 4: ОУХС-ын хэрэглээ (тусгай салбарууд дээр): ОУХС-ын агуулга, түүний шүүхийн хэрэглээнд  ашиглах нь.

    Сургалтын хугацаанд сургалтад оролцогчид нь ОУХБ болон ОУСТ-ын ОУХС-тай холбоотой мэдээлэл, кейсүүд болон тэдгээртэй холбогдох мэдээллүүдээр хангагдах юм.

 

 

Холбоотой мэдээлэл
0 Сэтгэгдэл
ШИНЭ МЭДЭЭ
МЭДЭЭЛЭЛ
9 цаг 42 мин
ХУУЛИЙН ТӨСӨЛ БОЛОВСРУУЛАГЧИЙН СУРГАЛТ БОЛЛОО
9 цаг 54 мин
ХҮҮХДИЙН ЭРХИЙГ ХАМГААЛАХ ДЭД ХОРООНЫ ЗОХИЦУУЛАГЧИД НЭРЭЭ ДЭВШҮҮЛЭХИЙГ УРЬЖ БАЙНА
14 цаг 16 мин
МЭДЭЭЛЭЛ
15 цаг 34 мин
ХУУЛИЙН ТӨСӨЛД САНАЛ АВЧ БАЙНА
2026-11-16 10:24
ЭМГЭНЭЛ
2026-11-13 19:46
“ШҮҮГЧИЙН ЁС ЗҮЙ, САХИЛГА: ЗАЛГАМЖ ЧАНАР, ШИНЭЧЛЭЛ” СЭДЭВТ СИМПОЗИУМ БОЛЛОО
2026-11-13 15:09
2026 ОНЫ ХУУЛЬЧИЙН МЭРГЭЖЛИЙН ШАЛГАЛТАД 149 ОРОЛЦОГЧ ТЭНЦЛЭЭ
2026-11-09 21:33
“ӨМГӨӨЛӨГЧИЙН МАРКЕТИНГ” СУРГАЛТ БОЛНО
2026-11-09 16:06
“ГЭР БҮЛИЙН ЭРХ ЗҮЙН ШИНЭЧЛЭЛ, ПРАКТИК ХЭРЭГЛЭЭ: ИРГЭНИЙ ЭРХ ЗҮЙН-2026 ӨДӨРЛӨГ”  БОЛЛОО
2026-11-09 15:49
ДАРХАН-УУЛ, СЭЛЭНГЭ АЙМГИЙН ХУУЛЬЧДАД СУРГАЛТ ЗОХИОН БАЙГУУЛЛАА
2026-11-06 16:48
МЭДЭЭЛЭЛ
2026-11-05 12:24
2026 ОНЫ ХУУЛЬЧИЙН МЭРГЭЖЛИЙН ШАЛГАЛТЫН ДҮН ГАРЛАА
2026-11-04 20:20
НИЙСЛЭЛ ДЭХ ГЭР БҮЛ, ХҮҮХДИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН НЭЭЛТ БОЛЛОО
2026-11-04 14:40
ГЭР БҮЛ, ХҮҮХДИЙН ХЭРГИЙН ДАГНАСАН ШҮҮХИЙН ҮЙЛ АЖИЛЛАГАА ЭХЭЛЛЭЭ
2026-11-02 14:57
ХУУЛИЙН ТӨСЛИЙН ХЭЛЭЛЦҮҮЛЭГ БОЛЛОО
2026-11-02 10:07
ХУУЛЬЧ ТАНД БАЯР ХҮРГЭЕ!
2026-10-26 16:15
ХУУЛЬЧДАД ЗОРИУЛСАН АНГЛИ ХЭЛНИЙ ЭРЧИМЖҮҮЛСЭН СУРГАЛТАД БҮРТГЭЖ БАЙНА
2026-10-23 17:32
ХУУЛИЙН ТӨСӨЛ БОЛОВСРУУЛАГЧИЙН СУРГАЛТ БОЛЛОО
2026-10-23 15:09
ХУУЛЬЧДАД ЗОРИУЛСАН АНХАН ШАТНЫ ТУСЛАМЖИЙН СУРГАЛТ
2026-10-22 09:25