Ажил олгогчийн нийгмийн даатгалын шимтгэл төлөлтийн тайлангийн програм хангамжид хууль зүйн туслалцаа үзүүлэх гэрээтэй өмгөөлөгч нарыг тусгай кодоор оруулах тухай тус холбооноос гаргасан хүсэлтийн дагуу Сангийн сайд, Хөдөлмөр нийгэм хамгааллын сайдын 2017 оны 06 дугаар сарын 15-ны өдрийн 211/А 112 тоот хамтарсан тушаалаар даатгуулагчийн төрлийн жагсаалтад нэмэлт, өөрчлөлт оруулан баталж, 2017 оны 07 дугаар сарын 01-ний өдрөөс мөрдөхөөр болсон.

    Хууль зүйн туслалцаа үзүүлэх гэрээтэй өмгөөлөгчийг “50” гэсэн дугаараар кодолсон бөгөөд төр, хувийн өмчийн бүх хэлбэрийн аж ахуйн нэгж, байгууллагад хууль зүйн туслалцааг гэрээгээр үзүүлж байгаа өмгөөлөгч нар нийгмийн даатгалын шимтгэлээ дээр дурьдсан кодоор төлөх болсныг мэдэгдэж байна.

    Өмгөөлөгч нийгмийн даатгалын шимтгэлийг 50 дугаарын кодоор төлөөгүй тохиолдолд Хуульчийн эрх зүйн байдлын тухай хуулийн 39 дүгээр зүйлийн 39.1 дэх хэсгийг зөрчсөн гэж үзэж хариуцлага тооцох болсоныг анхааруулж байна.

    Мөн өмгөөлөгчийн хариуцлагын даатгалын хугацаа дуусгавар болсон өмгөөлөгчид даатгалын хугацаагаа сунгуулж бүртгүүлэх, гишүүнчлэлийн татвараа  төлөөгүй хуульчид татвараа төлж тооцоо нийлэх шаардлагатай болохыг сануулж байна.

    Дээр дурьдсан асуудлын талаар лавлагаа, мэдээлэлийг 70116008 дугаарт холбогдож, хуульчдын холбооны хяналт, шалгалт хариуцсан мэргэжилтэн Д.Оюунбилэгтэй холбогдно уу.

                        МОНГОЛЫН ХУУЛЬЧДЫН ХОЛБООНЫ ТАМГЫН ГАЗАР