Монголын Хуульчдын холбоо Олон улсын хөдөлмөрийн байгууллага, түүний харъяа Олон улсын сургалтын төвтэй хамтран зохион байгуулж буй “Олон Улсын хөдөлмөрийн хэм хэмжээ” сэдэвт сургалт гурав дахь өдрөө амжилттай үргэлжиллээ.

    Өнөөдрийн сургалтаар Гүрж Улсын ОУХБ-ын Үндэсний зөвлөх, Тбилисийн Улсын их сургуулийн Хууль зүйн сургуулийн зочин профессор, Гүрж Улсын Хуульчдын холбооны гишүүн Закари Швелидзе “Үндсэний шүүгч хуульчид Олон Улсын Хөдөлмөрийн хэм хэмжээг хөдөлмөрийн маргаан шийдвэрлэхэд хэрхэн, хэзээ ашиглах вэ?” сэдвээр, Зүүн болон Зүүн өмнөд Ази, Номхон далайн орнуудыг хариуцсан ОУХБ-ын Зохистой хөдөлмөр эрхлэлтийн багийн Олон Улсын Хөдөлмөрийн хэм хэмжээ болон хөдөлмөрийн эрх зүйн асуудал хариуцсан ахлах мэргэжилтэн Алайн Пильс, Итали Улсын Турин хот дахь ОУХБ-ын харъяа Олон улсын сургалтын төвийн Олон Улсын Хөдөлмөрийн хэм хэмжээ, хөдөлмөр эрхлэлтийн эрх, хүйсийн эрх тэгш байдлыг хариуцсан сургалтын хөтөлбөрийн мэргэжилтэн Олена Вазуншка нар “Олон Улсын хөдөлмөрийн хэм хэмжээг шүүхийн практикт хэрэглэх нь” сэдвээр, Монголын Хуульчдын холбооны гишүүн хуульч, өмгөөлөгч Н.Баасанжав “Олон Улсын Хөдөлмөрийн хэм хэмжээ Монгол Улсын Хөдөлмөрийн тухай хууль болон шинэчлэн найруулсан Хөдөлмөрийн тухай хуулийн төсөлд тусгагдсан байдал” сэдвээр тус тус илтгэл хэлэлцүүлсэн.

Сургалт маргааш “Албадан хөдөлмөр эрхлэлт, хүүхдийн хөдөлмөр эрхлэлттэй холбоотой маргааныг шүүхийн журмаар шийдвэрлэхэд Олон Улсын хөдөлмөрийн хэм хэмжээг хэрэглэх нь” сэдвээр үргэлжлэн явагдах юм.