Монголын Хуульчдын холбооны гишүүн, анагаах ухааны доктор, хууль зүйн магистр М.Цэрэнбатаар ахлуулсан ажлын хэсэг 2017 оны есдүгээр сарын 20-23-ны өдрүүдэд Дорноговь, Говьсүмбэр аймагт ажиллалаа.

    Ажлын хэсгийн бүрэлдэхүүнд Хууль сахиулахын их сургуулийн Эрх зүйн онолын тэнхимийн багш, доктор /Ph.D/, Цагдаагийн хурандаа Н.Мөнхзул, "Их Засаг" олон улсын их сургуулийн Нийтийн эрх зүйн тэнхимийн ахлах багш, хууль зүйн магистр С.Тэгшжаргал, Сургалтын хорооны мэргэжилтэн Г.Санчир нар багтсан бөгөөд Хуульчдын холбооны үйл ажиллагааг сурталчлах, Хуульчийн үргэлжилсэн сургалт зохион байгуулах зорилготойгоор орон нутагт ажилласан юм.

    Ажлын хэсгийн үйл ажиллагааны хөтөлбөрт тусгагдсанаар анагаах ухааны доктор, хууль зүйн магистр М.Цэрэнбат “Шинжээчийн дүгнэлтийг үнэлэх”, “Эмнэлгийн эрх зүй” сэдвээр, доктор /Ph.D/, цагдаагийн хурандаа Н.Мөнхзул “Зөрчлийн тухай хууль”, “Үндсэн хуулийн аюулгүй байдал” сэдвээр, "Их Засаг" олон улсын их сургуулийн Нийтийн эрх зүйн тэнхимийн ахлах багш, хууль зүйн магистр С.Тэгшжаргал “Эрүүгийн хуулийн ерөнхий ба тусгай анги” сэдвээр тус тус хичээл заалаа. Сургалтад Дорноговь, Говьсүмбэр аймагт хуульчийн мэргэжлийн үйл ажиллагаа явуулж буй 50 хуульч хамрагдсан юм.