Монголын Хуульчдын холбооны Ерөнхийлөгчийн 2017 оны есдүгээр сарын 25 -ны өдрийн 94 дүгээр тушаалаар тус холбооны гишүүнээр элссэн 68 шинэ хуульчийн тангараг өргөх ёслолын ажиллагааг өчигдөр (2017.09.27) Хуульчдын танхимд зохион байгууллаа.

    Тангараг өргөх ёслолын ажиллагаанд Хуульчдын холбооны Ерөнхийлөгч Б.Гүнбилэг, Холбооны Зөвлөлийн гишүүн, Өмгөөлөгчдийн холбооны Ерөнхийлөгч Б.Ганбаатар, УЕПГ-ын дэргэдэх Сургалт, судалгааны төвийн захирал М.Гантулга, Өмгөөлөгчдийн хорооны удирдах зөвлөлийн гишүүн, өмгөөлөгч Э.Ганхөлөг нар урилгаар оролцсон бөгөөд тангараг өргөх ёслолын үеэр шинэ хуульчдад мэргэжлийн үйл ажиллагаа эрхлэх зөвшөөрлийн гэрчилгээ олгосон юм.

    Хуульчийн эрх зүйн байдлын тухай хуулийн 19 дүгээр зүйлийн 19.1-д заасны дагуу хуульчийн мэргэжлийн шалгалтад тэнцэж батламж авсан иргэн нь батламжаа авсан өдрөөс хойш 90 хоногийн дотор Хуульчдын холбоонд гишүүнээр элсэх өргөдлөө гаргах ёстой.

    Үүний дагуу Хуульчдын холбооны гишүүнээр элсэх өргөдлийг тус холбооны Тамгын газар 2017 оны есдүгээр сарын 11-ний өдрөөс авч эхэлсэн бөгөөд эхний ээлжинд өргөдлөө гаргаад байсан 68 хуульчийг Холбооны гишүүнээр элсүүлж, хуульчийн мэргэжлийн үйл ажиллагаа эрхлэх зөвшөөрөл олгоод байгаа нь энэ юм.

    ТАНГАРАГ ӨРГӨХ ЁСЛОЛЫН АЖИЛЛАГААНЫ ЗУРГИЙГ ДАРААХ ХОЛБООСООР ОРЖ ҮЗНЭ ҮҮ. 

 /?action=gallery&view=album&id=11

Бичлэгийг ЭНД дарж үзнэ үү.

Зураг ТАТАХ