Монголын Хуульчдын холбооноос өмгөөлөгчийн туслах ажилтнуудад өмгөөллийн ур чадвар, дадал олгох сургалтыг 2017 оны 10 дугаар сарын 06-ны өдөр зохион байгууллаа.

   Сургалтын хүрээнд Улсын дээд шүүхийн шүүгч, Хуульчдын холбооны Сургалтын хорооны гишүүн Г.Банзрагч “Захиргааны үйл ажиллагааны эрх зүйн хэлбэр ” сэдвээр, Хуульчдын холбооны анхны Ерөнхийлөгч, Зөвлөлийн гишүүн өмгөөлөгч Д.Батсүх “Өмгөөлөгчийн ажил, мэргэшил, Өмгөөллийн үйл ажиллагаанд хэрэглэх баримт бичиг, түүнийг боловсруулах нь” сэдвээр , МУИС-ийн багш, өмгөөлөгч Д.Хуяг “Иргэний хэрэг шүүхэд хянан шийдвэрлэх ажиллагаанд өмгөөлөгчийн туслахын оролцоо, практик хэрэглээ болон анхаарах зарим асуудал” сэдвээр, Өмгөөлөгчдийн хорооны Удирдах зөвлөлийн гишүүн, өмгөөлөгч, докторант Г.Наранбаатар “Эрүүгийн байцаан шийтгэх ажиллагаанд өмгөөлөгчийн туслахын оролцоо, практик хэрэглээ болон анхаарах зарим асуудал” сэдвээр тус тус хичээл заасан юм.

    Сургалтад нийт 50 өмгөөлөгчийн туслах ажилтан хамрагдсан бөгөөд тэдэнд сургалтад хамрагдсан гэрчилгээ болон Хуульчдын холбооноос гаргасан дүрэм, журмын эмхэтгэлийг олгов.