Монголын Хуульчдын холбооны Өмгөөллийн нөхөрлөлийн хөгжлийг дэмжих хорооноос санаачлан “ХУУЛИЙН ФИРМИЙН ТЕХНОЛОГИ” өдөрлөгийг 2017 оны аравдугаар сарын 16-ны анх удаа зохион байгууллаа.

    Өдөрлөгт “Хуулийн технологийн программ хангамжуудын тухай”, “Хиймэл оюун ухаан ба хуульчийн мэргэжлийн хэтийн төлөв”, “Мэдээллийн технологийн аюулгүй байдал”, “Дижитал контент ба инбаунд маркетингийн автоматжуулалт” зэрэг үндсэн 10 сэдвээр илтгэл хэлэлцүүлсэн бөгөөд өмгөөллийн 30 нөхөрлөлийн 70 гаруй хуульч хамрагдсан.

    Мөн өдөрлөгийн үеэр Өмгөөллийн нөхөрлөлийн хөгжлийг дэмжих хороонд гишүүн элсүүлэх ажлыг зохион байгуулж 40 хуульчийг шинээр элсүүллээ.

    Тус өдөрлөгийг зохион байгуулахад хамтран оролцож санхүүгийн дэмжлэг үзүүлсэн “Ананд ба Батзаяа” нөхөрлөлийн захирал Б.Батзаяа, тус нөхөрлөлийн хамт олон болон илтгэл хэлэлцүүлсэн “Ананд Адвокатс” ХХН-ийн гүйцэтгэх захирал Н.Энхцэцэг, “MDS KhanLex” ХХН-ийн партнер Ж.Майзориг, “Эмпасофт” ХХК-ийн ерөнхий захирал Ж.Эрдэнэбилэг, “Plex Technologies” ХХК-ийн үүсгэн байгуулагч М.Дөлгөөнбаяр, Үндэсний дата төвийн захирал Б.Батжаргал, “BZD Digital  and Inbound” ХХК-ийн гүйцэтгэх захирал Б.Батзориг, Хууль зүйн үндэсний хүрээлэнгийн Мэдээлэл, сурталчилгааны төвийн эрхлэгч А.Түвшинтулга, хуульч, судлаач Л.Галбаатар нарт талархал илэрхийлье.