Шүүгчдийн хорооны дүрэмд заасны дагуу Удирдах зөвлөлийн зарим гишүүний бүрэн эрхийн хугацаа дуусгавар болсонтой холбогдуулан Удирдах зөвлөлийн гишүүн нөхөн сонгох сонгуулийг  2017 оны есдүгээр сарын 20-ны өдрөөс 2017 оны аравдугаар сарын 04-ний өдрийн хооронд Монголын Хуульчдын холбооны цахим сонгуулийн системийг ашиглан www.mglbar.mn цахим хуудсаар зохион байгууллаа.

    Шүүгчдийн хорооны Удирдах зөвлөлийн 2017 оны аравдугаар сарын 27-ны өдөр хуралдаж тус сонгуулийн дүнг баталгаажууллаа.

    Шүүгчдийн хорооны Удирдах зөвлөлийн нөхөн сонгуулиар нэр дэвшигч М.Мөнхдаваа, Д.Батбаатар, Ц.Өрнөндэлгэр, М.Алдар, Н.Одонтуул, Д.Оюумаа, Н.Батчимэг, Ч.Батчимэг, Э.Амин-Эрдэнэ нар олонхын санал авч Удирдах зөвлөлийн гишүүнээр сонгогдлоо.

    Удирдах зөвлөлийн зарим гишүүд шинээр сонгогдсонтой холбогдуулан шүүгч Б.Батцэрэн, Х.Эрдэнэсувд, Б.Цогт, Т.Өсөхбаяр, Г.Даваадорж, Д.Дэлгэрцэцэг, Э.Зоригтбаатар нарыг Шүүгчдийн хорооны Удирдах зөвлөлийн гишүүний үүрэгт ажлаас чөлөөлсөн болно.

    Шүүгчдийн хороо байгуулагдсан цагаас эхлэн идэвх зүтгэл гарган ажиллаж хорооны төлөвшилд хувь нэмэр оруулсан өмнөх Удирдах зөвлөлийн гишүүддээ талархал илэрхийлж, шинээр сонгогдсон гишүүддээ баяр хүргэн ажлын амжилт хүсье.

МОНГОЛЫН ХУУЛЬЧДЫН ХОЛБООНЫ ШҮҮГЧДИЙН ХОРОО