Монголын Хуульчдын холбооны Мэргэжлийн хариуцлагын хороо нь Азийн сантай хамтран ажиллахаар болж харилцан ойлголцлын санамж бичиг байгууллаа. Санамж бичигт гарын үсэг зурах ёслолын ажиллагаа 2017 оны 11 дүгээр сарын 09-нд болсон бөгөөд Мэргэжлийн хариуцлагын хорооны Ажлын албаны дарга Т.Ганбаатар, Азийн сангийн дэд суурин төлөөлөгч Диана Фернандез нар санамж бичгийг үзэглэлээ.

    Санамж бичгийн хүрээнд хоёр тал Хуульчийн ёс зүй, мэргэжлийн хариуцлагын талаар иргэд олон нийтийн дунд хандлагын судалгаа явуулж  судалгааны дүнд үндэслэн зөвлөмж гаргах юм. Мөн  Хуульчийн ёс зүйн зөрчилтэй холбоотой гомдол, түүний шийдвэрлэлтийн талаар судалж, зөвлөмж гаргах, Хуульчийн мэргэжлийн ёс зүй, хариуцлагын асуудлаар гомдол гаргах эрхийн талаар олон нийтийн мэдлэгийг дээшлүүлэх, сурталчилгаа хийх, Хуульчийн  ёс зүй болон мэргэжлийн хариуцлагыг дээшлүүлэх чиглэлээр хэлэлцүүлэг, сургалт зохион байгуулах, гомдол, маргааны  бүртгэлийн системийг бий болгох зэрэг асуудлаар хамтран ажиллахаар төлөвлөөд байна.

МОНГОЛЫН ХУУЛЬЧДЫН ХОЛБООНЫ МЭРГЭЖЛИЙН ХАРИУЦЛАГЫН ХОРОО