Монголын Хуульчдын холбооны Тамгын газрын дарга Ц.Ганболдоор ахлуулсан ажлын хэсэг 2017 оны 11 дүгээр сарын 09-12-ны өдрүүдэд Дундговь, Өмнөговь аймагт ажиллалаа.

      Ажлын хэсгийн бүрэлдэхүүнд Үндсэн хуулийн цэцийн гишүүн, Хуульчдын холбооны Захиргааны эрх зүйн хорооны тэргүүн Д.Ганзориг, ХСИС-ийн Хэвлэл редакцын хэлтсийн дарга, доктор /Ph.D/, цагдаагийн хошууч С.Гантулга, УЕПГ-ын дэргэдэх Сургалт, судалгааны төвийн хяналтын прокурор Г.Оюунболд, Сургалтын хороо хариуцсан мэргэжилтэн Г.Санчир нар багтсан байгаа бөгөөд Хуульчдын холбоог сурталчилах, хуульчийн үргэлжилсэн сургалт зохион байгуулах зорилготойгоор орон нутагт ажиллалаа.

    Ажлын хэсгийн хөтөлбөрт тусгагдсанаар Үндсэн хуулийн цэцийн гишүүн, Захиргааны эрх зүйн хорооны тэргүүн Д.Ганзориг “Үндсэн хуулийн эрх зүй” сэдвээр, ХСИС-ийн Хэвлэл редакцын хэлтсийн дарга, доктор /Ph.D/ С.Гантулга “Эрүүгийн хуулийн ерөнхий анги ба тусгай анги”, УЕПГ-ын дэргэдэх Сургалт, судалгааны төвийн хяналтын прокурор Г.Оюунболд “Зөрчлийн тухай хууль”, “Зөрчил шалган шийвэрлэх тухай хууль” сэдвээр тус тус хичээл заалаа. Тус сургалтад Дундговь, Өмнөговь аймагт хуульчийн мэргэжлийн үйл ажиллагаа явуулж буй 75 хуульч хамрагдсан юм.