Хууль зүй, дотоод хэргийн яамнаас Монгол Улсын Засгийн газрын 2016-2020 оны үйл ажиллагааны хөтөлбөрийн “Засаглалын бодлого” зорилтын Шүүх эрх мэдлийн байгууллагын тогтолцоог боловсронгуй болгож, хүний эрх, эрх чөлөөний баталгааг хангах чиглэлээр хэрэгжүүлэх үйл ажиллагааны хүрээнд “Бүх нийтийн эрх зүйн боловсролын хөтөлбөр”-ийн төслийг боловсруулаад байна.

    Энэхүү төслийн танилцуулга, хэлэлцүүлэг 2017 оны 11 дүгээр сарын 22-ны 14:00 цагт “Хуульчдын танхим”-д болно. Хэлэлцүүлэгт хуульчид болон бусад сонирхсон хувь хүн, хуулийн этгээд оролцох боломжтой бөгөөд Хуульчдын холбооны гишүүд та бүхнийг идэвхтэй оролцохыг урьж байна.

    Тус хөтөлбөр нь иргэдийн эрэлт хэрэгцээг хангахуйц эрх зүйн мэдээ, мэдлэгийг цахим болон цахим бус байдлаар нээлттэй, хүртээмжтэй, энгийн хялбарчилсан хэлбэрээр хүргэх замаар бүх нийтийн эрх зүйн боловсролыг тасралтгүй дээшлүүлэх тогтолцоог бүрдүүлэхэд зорилготой бөгөөд энэхүү зорилгыг хэрэгжүүлэхийн тулд бүх нийтийн эрх зүйн боловсролын агуулга, арга зүйг боловсронгуй болгох, бүх нийтийн эрх зүйн боловсролыг дээшлүүлэхэд шаардлагатай нөөцийг бүрдүүлж, тогтсон сувгуудыг бий болгон, тэгш, хүртээмжтэй, чанартай үйлчилгээг бүх нийтэд хүргэх, иргэдийн эрх зүйн боловсролыг дээшлүүлэхэд бүх талын идэвхтэй оролцоог хангаж, тэдний үйл ажиллагааг уялдуулах гэсэн 3 үндсэн зорилтыг дэвшүүлсэн байна.