НҮБ-ын Ерөнхий Ассамблейгаас 1948 оны арванхоёрдугаар сарын 10-ны өдөр Хүний эрхийн Түгээмэл Тунхаглалыг батлан гаргасан бөгөөд энэ өдрийг жил бүр дэлхий нийтээрээ Хүний эрхийн Олон Улсын өдөр болгон тэмдэглэн өнгөрүүлдэг билээ.

    Энэ өдрийг тохиолдуулан “Иргэдэд хууль зүйн зөвлөгөө өгөх өдөрлөг”-ийг 2017 оны арвархоёрдугаар сарын 05-08-ны өдрүүдэд Нийслэлийн үйлчилгээний нэгдсэн төвийн Драгон, Мишээл, Дүнжингарав, Оргил салбаруудад зохион байгуулахаар төлөвлөөд байна. 

    Тус өдөрлөгийг Хүний эрхийн үндэсний комиссоос санаачлан Нийслэлийн Засаг даргын Тамгын Газар, Монголын Хуульчдын холбоо, Монголын Өмгөөлөгчдийн холбоо хамтран зохион байгуулах бөгөөд иргэдэд хууль зүйн үнэ төлбөргүй зөвлөгөө өгч оролцох хүсэлтэй хуульчид 2017 оны арванхоёрдугаар сарын 01-ний дотор Монголын Хуульчдын холбооны мэргэжилтэн Б.Пүрэвсүрэнтэй 70116004, 99977767 утсаар холбогдож бүртгүүлнэ үү.