Монголын Хуульчдын холбоо, Өмгөөлөгчдийн хорооноос Дархан-Уул аймаг дахь сум дундын анхан шатны шүүх дээр өмгөөлөгчийн ажлын өрөөг тохижуулж, нээлтийн ёслолын ажиллагааг  2017 оны 12 дугаар сарын 02-ны өдөр зохион байгууллаа. Нээлтэд  тус шүүхийн Тамгын газрын дарга Б.Бат-Амгалан, Өмгөөлөгчдийн хорооны тэргүүн Д.Түвшинтамир, хорооны Удирдах зөвлөлийн гишүүн Г.Нандинцэцэг болон хуульч, өмгөөлөгчдийн төлөөлөл оролцсон.

        Өмгөөлөгчийн өрөөнд хууль тогтоомж, компьютер, зурагт, интернэт /wifi/ байрлуулж өгснөөр өмгөөлөгч мэргэжлийн үйл ажиллагаагаа явуулахад түлхэц болж байгаа төдийгүй шүүх хурал хүлээх зуураа бусад нээлттэй шүүх хурлуудыг онлайнаар үзэх боломжтой болж байгаа юм. Түүнчлэн өмгөөлөгчид шүүхийн байранд ажлын өрөөтэй болсноор шүүх хурлын бэлтгэлээ бүрэн хангах, хавтаст хэрэгтэй нухацтай танилцах, үйчлүүлэгчтэйгээ ганцаарчлан уулзах, шаардлагатай хууль тогтоомжоо интернэтээр үзэх, шүүх хуралдааны завсарлагаанаар тухтай байх зэрэг олон давуу талтай.

      Өмгөөлөгчийн ажлын өрөөг тохижуулж, үйл ажиллагаа явуулах нөхцөл боломжоор хангахад дэмжлэг үзүүлсэн Дархан-Уул аймаг дахь сум дундын анхан шатны шүүхийн Тамгын газрын дарга Б.Бат-Амгалан, Салбарын зохицуулагч Ж.Эрдэнэбаатар, Дархан-Уул аймаг дахь Өмгөөлөгчдийн зөвлөлийн дарга П.Батжаргал нарт талархал илэрхийлье.