Монгол Улсад хүний эрх, эрх чөлөө, шударга ёсыг хамгаалах, Хуульчийн нэр хүндийг өндөрт өргөж явах үүргээ нэр төртэйгээр биелүүлж, Хуульчдын холбоо, хууль зүйн салбарын хөгжилд үнэтэй хувь нэмэр оруулсан хуульчдыг Хуульчдын холбооны "Хүндэт тэмдэг"-ээр шагналаа. Тодруулбал, Хуульчдын холбооны Зөвлөлийн гишүүн, Захиргааны хэргийн шүүхийн шүүгч Э.Зоригтбаатар, Сургалтын хорооны гишүүн, Их засаг олон улсын их сургуулийн Хууль зүйн сургуулийн Эрүүгийн эрх зүйн тэнхимийн эрхлэгч Г.Наранбаатар, Хууль зүйн шинжлэх ухаан, боловсролын хөгжлийг дэмжих хорооны гишүүн, МУИС-ийн ХЗС-ийн багш Х.Сэлэнгэ, Д.Баярсайхан, Мэргэжлийн хариуцлагын хорооны гишүүн, Нийслэлийн иргэний хэргийн давж заалдах шатны шүүхийн шүүгч Д.Байгалмаа, Булган аймаг дахь Сум дундын Эрүүгийн хэргийн анхан шатны шүүхийн шүүгч С.Цэрэнханд, Ховд аймгийн прокурорын орлогч Б.Цогтбадрах, "Монгол өмгөөлөгч" ХХН-ийн өмгөөлөгч Г.Батбаяр, Э.Билгүүн нар Хуульчдын холбооны "Хүндэт тэмдэг"-ээр энгэрээ мялаасан юм.
