Монголын Хуульчдын холбооны Зөвлөлийн ээлжит хурал 2018 оны 04 дүгээр сарын 28-ны өдөр боллоо. Тус хуралд Зөвлөлийн 43 гишүүний 27 гишүүн биечлэн ирж, 2 гишүүн бичгээр саналаа өгсөн.

    Хурлаар дараах асуудлуудыг хэлэлцэн шийдвэрлэсэн байна.

1. Хуульчдын холбооны 2016, 2017 оны санхүүгийн үйл ажиллагаанд хийсэн аудитын тайланг хэлэлцэх явцад Зөвлөлийн гишүүдээс гаргасан саналын дагуу “Энич аудит” ХХК-аас ирүүлсэн аудитын тайланд нэмэлт тодруулга хийлгэхээр Тамгын газарт буцаан хүргүүлэв. Тогтоол ТАТАХ

2. Пүрэвжавын Эрдэнэбатыг Хууль зүйн шинжлэх ухаан, хууль зүйн боловсролын хөгжлийг дэмжих асуудал эрхэлсэн хорооны гишүүнээр томиллоо. Тогтоол ТАТАХ

3. Шүүхийн ёс зүйн хорооны гишүүнд нэр дэвшигч Д.Гансүх, Б.Цогням, Ш.Төгсгэрэл нарын хэн нь ч хуралд оролцсон гишүүдийн олонхын санал аваагүй тул нэр дэвшүүлэх ажиллагааг дахин зохион байгуулахыг Тамгын газарт даалгав. Тогтоол ТАТАХ

4.Хуульчдын холбооны Зөвлөлийн бүрэлдэхүүнд хууль зүйн сургуулийн оюутны төлөөллөөс нэр дэвшигч Ж.Бямбаа, Н.Тэмүүлэн, Г.Ундармаа, хуульчийн шалгалт өгөхөөр мэргэжлийн дадлага хийж байгаа эрх зүйчдийн төлөөллөөс нэр дэвшигч С.Асланбек, Э.Батжаргал, Х.Гүнбилэг, Т.Нандинцэцэг, Д.Сарангэрэл, Б.Үйлсдэлгэр нарын хэн нь ч хуралд оролцсон гишүүдийн олонхын санал аваагүй тул нэр дэвшүүлэх ажиллагааг Хуульчийн эрх зүйн байдлын тухай хууль, Хуульчдын холбооны дүрэм, холбогдох журамд нийцүүлэн дахин зохион байгуулахыг Тамгын газарт даалгалаа. Тогтоол ТАТАХ

5.Хуульчдын холбооны Мэргэжлийн хариуцлагын хорооны 2014-2017 оны үйл ажиллагааны тайланг хэлэлцэхийг хойшлуулан шийдвэрлэлээ. Тогтоол ТАТАХ