Монголын Өмгөөлөгчдийн холбооноос Монгол Улсад өмгөөлөгчдийн байгууллага үүсэж хөгжсөний 90 жилийн ойн нэрэмжит “ӨМГӨӨЛӨГЧИЙН ЦОМ-2018” хөлбөмбөгийн аварга шалгаруулах тэмцээнийг 2018 оны 05 дугаар сарын 26-ны өдөр “Бага тэнгэр сити” ХХК-ийн хөлбөмбөгийн талбайд амжилттай зохион байгууллаа. Тэмцээнд Монголын Өмгөөлөгчдийн холбоо, УИХ-ын Тамгын газар, Улсын Дээд шүүх, Улсын Ерөнхий Прокурорын газар, Тагнуулын Ерөнхий газар, Монголын Олон улсын ба Үндэсний арбитр, Монголын Хуульчдын холбоо зэрэг нийт 9 багийн 100 гаруй баг тамирчид өрсөлдөж, аваргаа тодруулсан юм.

          Хөлбөмбөгийн тэмцээний гутгаар байрыг Улсын Ерөнхий Прокурорын газрын баг, дэд байрыг Тагнуулын Ерөнхий газрын баг тамирчид эзэлсэн бол тэмцээний тэргүүн байр, шилжин явах цомын эзнээр Монголын Хуульчдын холбооны баг тамирчид тодорлоо. Тэмцээний шилдэг довтлогчоор Монголын Хуульчдын холбооны багийн тамирчин Б.Төрбадрах, шилдэг хамгаалагчаар Монголын Хуульчдын холбооны багийн тамирчин С.Тунбаяр, шилдэг хагас хамгаалагчаар Улсын Ерөнхий прокурорын газрын багийн тамирчин Г.Баясгалан, шилдэг хаалгачаар Тагнуулын Ерөнхий газрын багийн тамирчин Б.Онцоо нар тус тус шалгарлаа.