Баян-Өлгий аймгийн Өлгий сумд 2018 оны долдугаар сарын 14-17-ны өдрүүдэд болсон үерийн гамшгийн улмаас нийтдээ 929 айл 4500 гаруй иргэн үерт өртсөнийг аймгийн Онцгой комиссын хуралдаанаар тогтоожээ. Үүнээс гэр нь бүрэн нурсан 110, гэр нь цаашид амьдрах боломжгүй болсон 154, их хэмжээгээр хохирол амссан 266, бага хэмжээгээр хохирол амссан 399 айл байна.
Тус аймагт үүссэн энэхүү байгалийн гамшигт нэрвэгдсэн иргэдэд Олон улсын хүмүүнлэгийн байгууллагууд, Монгол Улсын Засгийн газар, төрийн болон төрийн бус байгууллага, аж ахуйн нэгж, иргэдийн зүгээс сэтгэл санаа, санхүүгийн дэмжлэг үзүүлж, эхний ээлжинд гэр оронгүй болсон иргэдийн асуудлыг шийдвэрлээд байна. Иймээс, Монголын Хуульчдын холбооны Баян-Өлгий аймаг дахь салбараас үерийн гамшигт өртсөн иргэдэд дэмжлэг үзүүлэх зорилгоор тусгай данс нээж, хандив цуглуулах аян өрнүүлж эхэллээ. Эрхэм хуульчид Та бүхнийг энэхүү аянд нэгдэхийг уриалж байна.
Хандив хүлээн авах данс: ХААН банк-5194043853
Хүлээн авагчийн нэр: МОНГОЛЫН ХУУЛЬЧДЫН ХОЛБООНЫ БАЯН-ӨЛГИЙ АЙМАГ ДАХЬ САЛБАР (Гүйлгээний утга дээр овог, нэрээ бичнэ үү)
МОНГОЛЫН ХУУЛЬЧДЫН ХОЛБООНЫ БАЯН-ӨЛГИЙ АЙМАГ ДАХЬ САЛБАР
