Нийслэлийн Засаг даргын Тамгын газраас 2018-2021 онд “Нийслэлийн иргэдийн эрх зүйн боловсролыг дээшлүүлэх” дэд хөтөлбөрийг хэрэгжүүлэхэд Монголын Хуульчдын холбоо хамтран ажиллахаар боллоо.

    Хамтран ажиллах гэрээнд гарын үсэг зурах ёслолын ажиллагаа өнөөдөр болж, Нийслэлийн Засаг даргын Тамгын газрын дарга М.Отгонбаяр, Монголын Хуульчдын холбооны Ерөнхийлөгч Ж.Хунан нар гарын үсэг зурж баталгаажуулсан.

    Гэрээний хүрээнд Монголын Хуульчдын холбоо нь судалгаа, дүн шинжилгээ хийх, санал зөвлөмж гаргах, хууль тогтоомжийн сурталчилгаа явуулах, Нийслэлийн иргэдэд хууль зүйн зөвлөгөө өгөх зэрэг ажлыг зохион байгуулах юм.