Монголын Хуульчдын холбооны Иргэний эрх зүйн хорооноос “Үнэт цаасны эрх зүйн зарим асуудлууд” сэдэвт хэлэлцүүлгийг 2018 оны есдүгээр сарын 11-ний өдөр зохион байгууллаа.

    Хэлэлцүүлгийн чиглүүлэгчээр Иргэний эрх зүйн хорооны Удирдах зөвлөлийн гишүүн, өмгөөлөгч С.Цацралтуяа ажилласан бол хуульч, судлаач Т.Жамбаажамц “Үнэт цаасны эрх зүй: шинэлэг зохицуулалт” сэдвээр, Япон Улсын Фүкүокагийн их сургуулийн профессор Ясихиро Минова  “Япон Улсын үнэт цаасны арилжааны хуулийн хөгжил ба цаашдын чиг хандлага” сэдвээр тус тус илтгэл хэлэлцүүлсэн.

  Хэлэлцүүлгийн үеэр Үнэт цаасны зах зээлийн зохицуулалтын онцлог, шинэ төрлийн санхүүгийн хэрэгсэл, бүтээгдэхүүн үйлчилгээний зохицуулалт, хориглох үйл ажиллагаа, зах зээл дээр үүсэх маргааны төрөл, түүнийг шийдвэрлэх ажиллагааны тухай зэрэг асуудлыг хөндсөн. Мөн Япон Улсын үнэт цаасны арилжаа эрхлэхтэй холбоотой эрх зүйн тогтолцоог танилцуулахын зэрэгцээ зах зээлийн эдийн засгийн нийгэмд гүйцэтгэх үүрэг, орчин үеийн техник тогтолцооны хөгжлийн тухай тус тус хэлэлцэж, хуульчид өөрсдийн сонирхсон асуултандаа хариулт авсан юм. Тус хэлэлцүүлэгт нийт 84  хуульч, судлаач, оюутан оролцож, мэдээлэл авлаа.