Монголын Хуульчдын холбооны Ерөнхийлөгч Ж.Хунан 2018 оны 10 дугаар сар 04-ний өдөр Бүгд Найрамдах Солонгос Улсын Чонбукын Үндэсний Их Сургуулийн Зүүн хойд Азийн эрх зүйн хүрээлэнгийн захирал Су Мун Ху болон тус сургуулийн Хуулийн сургуулийн профессор Ян Лан Хэй нарыг хүлээн авч уулзлаа. Уулзалтад Монголын Хуульчдын холбооны Тамгын газрын дарга Ц.Ганболд, Монгол Улсын Ерөнхий прокурорын газрын Сургалт, судалгааны төвийн захирал М.Гантулга нар оролцсон.
Энэхүү уулзалтаар талууд хоёр байгууллагын үйл ажиллагааг харилцан танилцуулж цаашид эрх зүйн боловсрол олгох, хуульчдын давтан сургалт, хууль зүйн шинжлэх ухаан, судалгааны салбарт харилцан дэмжлэг үзүүлэх асуудлаар хамтран ажиллах санамж бичиг байгуулсан. Уг санамж бичгийн хүрээнд талууд хууль зүйн шинжлэх ухааны судалгаа, материал, нийтлэл, мэдээлэл солилцох, хуульчдыг сургалтанд хамруулах, туршлага судлахад дэмжлэг үзүүлэх зэрэг арга хэмжээнүүдийг төлөвлөж байна.
