Монголын Хуульчдын холбоо, Ханнс Зайделийн сан хооронд байгуулсан Хамтран ажиллах санамж бичгийг хэрэгжүүлэх ажлын хүрээнд эрүүгийн эрх зүйн чиглэлээр дагнан хуульчийн мэргэжлийн үйл ажиллагаа эрхэлдэг хуульчдад 2018 оны 10 дугаар сарын 09-ний өдөр сургалт зохион байгууллаа.
Сургалт Ханнс Зайделийн сангийн “Эрх зүйн боловсрол” академи дээр зохион байгуулагдсан бөгөөд сургалтад ХБНГУ-ын Аугсбургийн их сургуулийн багш, хууль зүйн шинжлэх ухааны доктор, профессор Петер Казиске урилгаар “Сэтгэл санааны хохирол барагдуулахтай холбоотой асуудал” болон “Насанд хүрээгүй этгээдэд эрүүгийн хариуцлага тооцох тухай” сэдвүүдээр хичээл заасан юм.
Сургалтад прокурор, өмгөөлөгч, бусад хуульчийн төлөөлөл бүхий 20 хуульч хамрагдан сургалт амжилттай болж өндөрлөлөө.
Мөн тус сургалтыг видео хэлбэрээр Хуульчдын холбооны сайтад байршуулан хуульчдад хүргэх юм.
