Монголын Хуульчдын холбоо, Хууль зүйн үндэсний хүрээлэн, Хууль зүйн туслалцааны төв, Нотариатын танхим, Иргэний оролцоо II төсөл хамтран “Бүх нийтийн эрх зүйн боловсролыг дээшлүүлэх үндэсний хөтөлбөр”-ийн хүрээнд өөрсдийн байгууллагаас хэрэгжүүлж буй ажлуудыг иргэдэд сурталчлах, тус хөтөлбөрийн талаар олон нийтэд мэдээлэл өгөх зорилгоор 2018 оны 10 дугаар сарын 17-нд хамтарсан " Нээлттэй өдөрлөг" зохион байгууллаа.
Тус өдөрлөгийн хүрээнд эдгээр байгууллагуудын үйл ажиллагааг танилцуулахын зэрэгцээ шинээр батлагдсан хуулиудыг сурталчлах, иргэдэд хууль зүйн үнэ төлбөргүй зөвлөгөө өгөх, нотариатын үйлчилгээ, зөвлөгөө үзүүлэх, хууль зүйн холбогдолтой номын худалдаа зохион байгуулах зэрэг олон арга хэмжээ болсон бөгөөд иргэдэд хууль зүйн ач холбогдол бүхий зарим материал, ном, гарын авлагыг үнэ төлбөргүй олгосон.
Мөн Монголын Хуульчдын холбоо нь гишүүн гурван өмгөөлөгчөө тус өдөрлөгт оролцуулж, 20 гаруй иргэнд хууль зүйн зөвлөгөө үнэ төлбөргүй өгсөн юм.
