БНХАУ-ын Засаг захиргааны онцгой бүс болох Хонгконгийн Хуульчдын нийгэмлэгээс (The Law Society of Hong Kong) жил бүрийн нэгдүгээр сард Хуульчдын шинэ жилийн ёслолын үйл ажиллагааг зохион байгуулдаг бөгөөд Ази, Европ тивийн улс орнуудын хуульчдын холбоо, хуульчдын нийгэмлэгийн тэргүүн болон олон улсын нэр хүндтэй хуульчид оролцдог.  

    Энэ жилийн ёслолын үйл ажиллагааны үеэр Монголын Хуульчдын холбоо, Хонгконгийн Хуульчдын нийгэмлэгийн хамтын ажиллагааны хүрээнд Монголын Хуульчдын холбооны гишүүн хуульчдад зориулан сонирхсон сэдвээр сургалт явуулахын зэрэгцээ Хонгконгийн хуулийн байгууллагуудтай танилцах аялал зохион байгуулах бөгөөд хуульчид Та бүхнийг оролцохыг урьж байна.

    Оролцох хүсэлтэй хуульч өөрийн холбогдох хаягаа, сонирхож буй сургалтын сэдэв, танилцахыг хүсэж буй байгууллагын нэрийг jargalan@mglbar.mn хаягаар ирүүлнэ үү. Бүртгэл 2018 оны 11 дүгээр сарын 30-ны өдрийн 17:00 цаг хүртэл явагдана.

    Жич: Тус арга хэмжээнд оролцох хуульч онгоцны тийз, зочид буудал, хоол, унаа зэрэг холбогдох бүх зардлыг өөрөө хариуцах бөгөөд гэр бүлийн гишүүний хамт оролцох боломжтой.