Монголын Хуульчдын холбооны Зөвлөл болон Иргэний эрх зүйн хорооны Удирдах зөвлөлөөс баталсан ажлын төлөвлөгөөний дагуу Хуульчдын мэргэшин ажиллах хандлагыг дэмжих, хувийн эрх зүйгээр дагнан ажиллаж буй өмгөөлөгчдийн мэтгэлцэх ур чадварыг хөгжүүлэх, мэтгэлцээний соёл, ёс зүйг төлөвшүүлэх зорилгоор “Хувийн эрх зүйн хууль тогтоомжийн хэрэглээний ур чадварын мэтгэлцээний тэмцээн”-ийг 2018 оны 12 дугаар сарын 08-ны өдөр амжилттай зохион байгууллаа.

    Мэтгэлцээний тэмцээний шүүгчээр Улсын дээд шүүхийн шүүгч асан А.Доржготов, Д.Тунгалаг, шүүгч асан Ж.Сэлэнгэ, Монголын Шүүхийн мэтгэлцээний холбооны удирдах зөвлөлийн гишүүн, өмгөөлөгч Э.Болорчулуун, Г.Батзаяа нар ажилласан бөгөөд тэмцээнд нийт 5 багийн 17 өмгөөлөгч, хуульчид оролцож, тойргийн журмаар өрсөлдөн ялагчаа тодруулсан.

    Үүнээс тэмцээний тэргүүн байрыг өмгөөлөгч Б.Сод-эрдэнэ, Б.Оюу, С.Ууганбаяр, өмгөөлөгчийн туслах  А.Гулим нарын бүрэлдэхүүнтэй “Өмгөөлөгчид” баг, дэд байрыг өмгөөлөгч А.Базар,  К.Жархынбек, Х.Содном-Иш нарын гишүүдтэй “JSB” баг, гутгаар байрыг өмгөөлөгч Э.Хашчулуун, Г.Байгальмаа, өмгөөлөгчийн туслах А.Өлзийсайхан нарын бүрэлдэхүүнтэй “Веритас” баг эзэллээ.