Монголын Хуульчдын холбооны Захиргааны эрх зүйн хорооноос 2019 оны гуравдугаар сарын 15-ны өдөр Татварын багц хуулийн төслөөр хэлэлцүүлэг зохион байгууллаа. Хэлэлцүүлгийн үеэр Татварын мэргэшсэн зөвлөхийн нийгэмлэгийн удирдах зөвлөлийн гишүүн Ү.Галмандах “Татварын ерөнхий хуулийн шинэчилсэн найруулгын төслийн зарим зүйл, заалт бусад хуульд нийцэх эсэх” сэдвээр, “PWC” ХХК-ийн татвар хариуцсан захирал Ч.Цэндмаа “Эрх борлуулсны орлогын татвар, анхаарах практик асуудлууд” сэдвээр илтгэл хэлэлцүүлсэн. Тус хэлэлцүүлгийн хүрээнд татварын багц хуулийн төслийн талаар талууд өөр өөрсдийн байр сууриа илэрхийлсэн бөгөөд оролцогчдоос гаргасан санал, зөвлөмжийг холбогдох эрх бүхий субъектэд уламжлах юм.
