Хуульчдын холбооны ажлын хэсэг 2019 оны тавдугаар сарын 24, 25-ны өдрүүдэд Баянхонгор аймагт ажиллалаа. Ажлын хэсэг нь Монголын Хуульчдын холбооны үйл ажиллагааг тайлагнах, шинээр батлагдсан хууль тогтоомжийг сурталчлах, Хуульчийн үргэлжилсэн сургалт зохион байгуулах зорилготойгоор орон нутагт ажилласан бөгөөд Хуульчийн үргэлжилсэн сургалтын 3 багц цаг олгох сургалтыг зохион байгуулсан.

   2019 оны тавдугаар сарын 24-ний өдөр АШУҮИС-ийн багш, доктор, дэд профессор, хууль зүйн магистр М.Цэрэнбат “Стресс менежмент” сэдвээр, Нийслэлийн Иргэний хэргийн давж заалдах шатны шүүхийн шүүгч М.Наранцэцэг “Эд хөрөнгө хөлслөх гэрээтэй холбогдох эрх зүйн зохицуулалт”, “Түрээсийн гэрээтэй холбогдох эрх зүйн зохицуулалт” сэдвээр, тавдугаар сарын 25-ны өдөр “Хан голомт” консалтингийн захирал, хуульч Ц.Азбаяр “Хуульчийн илтгэх, ятган үнэмшүүлэх чадвар”, “Хуульчийн багаар хамтран ажиллах чадвар” сэдвээр тус тус хичээл заасан бөгөөд сургалтад Баянхонгор аймагт хуульчийн мэргэжлийн үйл ажиллагаа явуулж буй 50 орчим хуульч хамрагдсан юм.

   Мөн энэ үеэр Монголын Хуульчдын холбооны Мэргэжлийн хариуцлагын хорооны Ажлын албаны дарга Т.Ганбаатар Хуульчдын холбооны 2018 онд хэрэгжүүлсэн ажлын тайлан, 2019 онд хэрэгжүүлэх ажлын төлөвлөгөөний талаар мэдээлэл өгсөн бол Чиг үүргийн хороод хариуцсан ахлах мэргэжилтэн Г.Санчир Хуульчдын холбооноос нэвтрүүлж буй “хуульч” аппликэйшний талаар танилцууллаа.