Хуульчдын Ази, Номхон далайн бүсийн холбоо /LAWASIA/-ны 32 дахь удаагийн чуулга уулзалт 2019 оны 11 дүгээр сарын 05-08-ны өдрүүдэд Хонконгт зохион байгуулагдана. Чуулга уулзалтад Ази, Номхон далайн орнуудын тэргүүлэх шүүгч, хуульч, хуулийн нөхөрлөлүүд, мэргэжлийн байгууллагуудын төлөөлөл оролцдог.
Тус уулзалтын үеэр “Эрсдэлийн менежмент”, “Олон улсын болон бүс дамнасан арбитрын маргааныг шийдвэрлэх нь”, “Татварын тогтолцоо”, “Хүний эрх”, “Бүс ба зам санаачилга”, “Гэр бүлийн хууль”, “Хуулийн нөхөрлөлийн менежмент”, “Ази номхон далайн бүсийн авлига болон мөнгө угаахтай тэмцэх нь” зэрэг олон сонирхолтой сэдвээр хэлэлцүүлэг зохион байгуулагдах болно.
“Эртэч шувуухай” бүртгэл 2019 оны 07 дугаар сарын 31-ний өдрийг хүртэл явагдах бөгөөд бүртгэлийн хураамж 1.450.00 AUD юм. Тус өдрөөр хойш бүртгэлийн хураамж 1.650.00 AUD болно.
Хураамжид дараах зүйлс багтана:
Дэлгэрэнгүй мэдээллийг https://lawasia2019.com/registration/ цахим хуудаст хандан авах боломжтой.
Сонирхуулахад, LAWASIA нь 1966 оны наймдугаар сарын 10-ны өдөр үүсгэн байгуулагдсан бөгөөд Ази-Номхон далайн бүсийн орнуудын хуульчдын ашиг сонирхлыг хамгаалах, мэргэжлийн хариуцлагыг сайжруулах, эрх зүйн боловсролыг дээшлүүлэх чиглэлээр бүс нутгийн Хуульчдын холбоодын хуульч нарын хооронд санал, мэдээлэл солилцох, хамтын ажиллагааг бий болгох зорилготой, улс төрөөс ангид бие даасан байгууллага юм.
