Монголын Хуульчдын холбооны Зөвлөлийн ээлжит бус хурал 2019 оны 12 дугаар сарын 21-ний өдөр боллоо. Хуралдаанд Зөвлөлийн 48 гишүүнээс 40 нь хүрэлцэн ирж, дараах асуудлуудыг хэлэлцэн шийдвэрлэв. Үүнд:
- Бүрэн эрхийн хугацаан нь дууссан Хуульчдын холбооны Хяналтын зөвлөлийн гишүүдийг чөлөөлж, шүүгчийн төлөөлөл болох Б.Мөнхжаргал, Ц.Одмаа, прокурорын төлөөлөл болох О.Машбат, өмгөөлөгчийн төлөөлөл болох Б.Дашдорж нарыг Хяналтын зөвлөлийн гишүүнээр томиллоо.
- Хуульчдын холбооны Шүүгчдийн хорооны төлөөлөл болох Ц.Оюунбилэг, Э.Энэбиш, бусад хорооны төлөөлөл болох П.Баяр, Д.Түвшинтамир нарыг Монголын Хуульчдын холбооны Хуульчдын эрх, хууль ёсны ашиг сонирхлыг хамгаалах хорооны гишүүнээр сонголоо.
- Хуульчдын холбооны 2020 оны үйл ажиллагааны тэргүүлэх чиглэл болон үйл ажиллагааны төлөвлөгөө, 2020 оны төсөв, Тамгын газрын бүтэц, орон тоог шинэчлэн баталлаа.
