“Шүүгчийн ёс зүйн дүрмийн хэрэгжилтийг судлах, шинэчлэх боловсруулах” ажлын хэсгийн гурав дахь удаагийн хурал 2020 оны тавдугаар сарын 08-ны өдөр Нийслэлийн Эрүүгийн хэргийн давж заалдах шатны шүүхийн байранд боллоо.

   Хурлаар Шүүгчийн ёс зүйн дүрмийн хэрэгжилтийг судлах, шинэчлэн боловсруулах, гадаад орнуудын Шүүгчийн ёс зүйн дүрмийг судлах дэд ажлын хэсгүүд хийсэн судалгаагаа танилцуулж, нэгтгэн дүгнэлээ. Мөн шинэ Шүүгчийн ёс зүйн дүрмийн ерөнхий бүтэц, агуулгыг тодорхойлж, дэд ажлын хэсгүүдэд холбогдох ажлыг хуваарилсан юм.

   Тус ажлын хэсгийн дараагийн хурал 2020 оны тавдугаар сарын 15-ны өдөр болно.