ХУУЛЬ ЗҮЙН ТУСЛАЛЦААНЫ ТӨВИЙН

УЛСЫН ӨМГӨӨЛӨГЧИЙН СОНГОН ШАЛГАРУУЛАЛТЫН ЗАР

2021.11.08

Төлбөрийн чадваргүй яллагдагчид үзүүлэх хууль зүйн туслалцааны тухай хуулийн 16 дугаар зүйл, “Хууль зүйн туслалцааны төвийн дүрэм”-ийн “Ес” дэх хэсгийг тус тус үндэслэн Хууль зүйн туслалцааны төв нь дараахь ажлын байрыг зарлаж байна:

Ажлын байр:

• Баян-Өлгий аймаг дахь салбарт ажиллах улсын өмгөөлөгч
• Баянгол дүүрэг дэх салбарт ажиллах улсын өмгөөлөгч
• Чингэлтэй дүүрэг дэх салбарт түр ажиллах улсын өмгөөлөгч

Үндсэн чиг үүрэг:

• Төлбөрийн чадваргүй сэжигтэн, яллагдагч, шүүгдэгч, ялтанд хууль зүйн туслалцаа үзүүлэх;
• Үйлчлүүлэгчийнхээ эрх, хууль ёсны ашиг сонирхолыг бүрэн, тууштай хамгаалах.

Тавигдах шаардлага:

1. Монгол Улсын иргэн;

2. Хууль зүйн их дээд сургууль төгссөн, бакалавр болон түүнээс дээш зэрэгтэй;

3. МӨХ-ны нэгдсэн бүртгэлд бүртгэгдсэн байх

4. Компьютерийн өргөн хэрэглээний програм дээр ажиллах чадвартай;

5. Албан хэрэг хөтлөлтийн ерөнхий мэдлэгтэй;

6. Багаар ажиллах, ажлын ачаалал даах чадвартай;

Бүрдүүлэх материал:

1. Сонгон шалгаруулалтад оролцогчийн анкет; /татаж авах/

2. Төрийн албан хаагчийн анкет; /татаж авах/

3. Хуульчийн мэргэжлийн үйл ажиллагаа эрхлэх зөвшөөрлийн хуулбар;

4. Шүүхэд төлөөлөх эрхийн үнэмлэхийн хуулбар;

5. Өмгөөллийн үйл ажиллагаа эрхлэх эрхийн гэрчилгээ, өмгөөлөгчийн үнэмлэхний хуулбар;

6. Дээд боловсролын дипломын хуулбар;

7. Нийгмийн даатгалын дэвтэр /Хөдөлмөрийн дэвтэр/-ийн хуулбар эсхүл цахим лавлагаа;

8.Монголын Хуульчдын холбооны гишүүний татвар, хуульчийн үргэлжилсэн сургалтад хамрагдсан, кредит цагийн тооцоогүй тухай тодорхойлолт.

9. Иргэний үнэмлэхийн хуулбар;

10. Ажиллах хүсэлтээ илэрхийлсэн өргөдөл;

Материал хүлээн авах:

Сонгон шалгаруулалтад оролцогчдын материалыг 2021 оны 11 дүгээр сарын      08-ны өдрөөс 2021 оны 11 дүгээр сарын  19-ний 17.00 цаг info@lac.gov.mn цахим хаягаар хүртэл хүлээн авна.

**Ажлын байранд тавигдах шаардлагыг хангаагүй, материал дутуу тохиолдолд бүртгэхгүй болохыг анхаарна уу.

Монгол Улсын Засгийн газар, Улсын онцгой комиссоос авч хэрэгжүүлж буй хорио цээртэй холбогдуулан цаг үеийн шаардлагаар сонгон шалгаруулалт болох товыг жич зарлана.

Сонгон шалгаруулалттай холбоотой асуудлаар:

Хууль зүйн туслалцааны төвийн

Ажлын алба

7000-4020, 7000-4030 дугаарын утсаар холбогдоно уу.

-оОо-