I. Оршил
II. Гэмт хэргийн бүрэлдүүн үүсэн бүрэлдсэн үйл явц 
А. Corpus delicti 
Б. Tatbestand буюу хэм хэмжээний цогц 
III. Эрнст Людвиг фон Белинг ба хэм хэмжээний урьдчилсан нөхцөл 
А. Системийн тухайд 
Б. Хууль ёсны зарчим ба хэм хэмжээний урьдчилсан нөхцөл 
IV. Хэм хэмжээний урьдчилсан нөхцөлийн тал болон системчлэл 
А. Санаатай гэмт үйлийн хэм хэмжээний урьдчилсан нөхцөлийн үүсэл, хөгжил 
Б. Болгоомжгүй гэмт үйлийн хэм хэмжээний урьдчилсан нөхцөлийн үүсэл, хөгжил 
V. Дүгнэлт

[ТОВЧ УТГА] 

Гэмт хэргийн бүрэлдүүн нь тодорхой үйлийг хууль бус болохыг илэрхийлэх хууль зүйн шинж, мөн түүнийг тогтоох системийг илэрхийлж байдаг чухал ухагдахуун юм. Энэ нь практикт хууль хэрэглээний түвшинд арга зүй болон хэрэглэгддэг чухал ач холбогдолтой. Гэмт хэргийн бүрэлдүүнийг тухайн орны эрүүгийн эрх зүйн үзэл баримтлалаас шалтгаалан янз бүрийн агуулгаар тайлбарлан хэрэглэж байна. Тухайлбал, ХБНГУ, Франц, Япон зэрэг улс орнууд эрүүгийн хуулийн хэм хэмжээний диспозицтай ижил байдлаар авч үзэж байгаа бол ОХУ болон Монгол Улс нийгэмд аюултай үйлдэл, эс үйлдэхүйг гэмт хэрэгт тооцоход зайлшгүй шаардлагатай объектив, субъектив шинжүүдийн цогц гэж үзэж байна. Ийнхүү гэмт хэргийн бүрэлдүүний ухагдахууныг яагаад ялгаатай авч үзэх болсон, түүний ач холбогдол юунд оршиж байгааг тодруулахын тулд гэмт хэргийн бүрэлдүүний үүсэл, бүрэлдэн тогтсон үйл явцыг судлах шаардлагатай юм. Иймд энэхүү өгүүлэлд гэмт хэргийн бүрэлдүүн ямар учир шалтгааны улмаас хэзээ, хаана үүссэн, түүний бүрэлдэн тогтсон үйл явцыг судлан гаргаж ирэхийг зорьсон болно. 

[ТҮЛХҮҮР ҮГ] 

Corpus delicti, хэм хэмжээ, гэмт хэргийн бүрэлдүүн, хэм хэмжээний онол, хэм хэмжээний цогц, хууль ёсны зарчим.