Монголын Хуульчдын холбооны Өмгөөлөгчдийн хорооноос Монгол Улсын Их Хурлын гишүүн Х.Тэмүүжинтэй хамтран “Монгол Улсын Үндсэн хуулийн цэцийн тухай хуулийн шинэчилсэн найруулгын төсөл болон Үндсэн хуулийн цэцэд маргаан хянан шийдвэрлэх тухай хуулийн шинэчилсэн найруулгын төсөл”-ийн хэлэлцүүлгийг 2026 оны 04 дүгээр сарын 06-ны өдөр зохион байгууллаа.
Тус хэлэлцүүлэгт Үндсэн хуулийн эрх зүйн чиглэлийн эрдэмтэн, судлаачид, хуульчид, эрх зүйчид болон оюутнууд оролцож, тус хуулийн төслүүдийн үзэл баримтлал, зохицуулалтын онцлог, практикт хэрэгжих боломж, үр нөлөөний талаар санал солилцсон юм.
Хэлэлцүүлгийн үеэр оролцогчид хуулийн төслүүдийг боловсронгуй болгох чиглэлээр санал, зөвлөмжүүдийг дэвшүүлсэн бөгөөд энэхүү хэлэлцүүлэг нь Үндсэн хуулийн цэцийн үйл ажиллагаатай холбоотой эрх зүйн зохицуулалтыг боловсронгуй болгох, хуульчдын мэргэжлийн оролцоог хангах, санал дүгнэлтийг нэгтгэхэд ач холбогдолтой байлаа.
Хэлэлцүүлгийн БҮТЭН БИЧЛЭГ үзэх:
