Монголын Хуульчдын холбооны Өмгөөлөгчдийн хороо, Нийслэлийн Өмгөөлөгчдийн Зөвлөл хамтран “Өмгөөлөгчийн сэтгэл зүйн эрүүл мэндийн нөхцөл байдал, сэтгэл зүйн зөвлөгөө” сэдвээр уулзалт, хэлэлцүүлгийг 2026 оны 04 дүгээр сарын 22-ны өдөр зохион байгууллаа.

Энэ уулзалтаар "Шихихутуг" их сургуулийн захиалгаар Монгол сэтгэл зүйчдийн нийгэмлэгээс хийсэн судалгааг танилцуулж, өмгөөлөгчийн сэтгэл зүйн эрүүл мэндийн талаар санал солилцлоо.

Хэлэлцүүлгийн чиглүүлэгчээр Монголын Хуульчдын холбооны Өмгөөлөгчдийн хорооны Удирдах зөвлөлийн гишүүн, өмгөөлөгч Ц.Санхжаалхам ажилласан бол "Шихихутуг" их сургуулийн сэтгэл судлалын тэнхимийн багш А.Тайванжаргал “Хууль сахиулах байгууллагын ажилтнуудын сэтгэл зүйн эрүүл мэндийн байдал” сэдвээр илтгэл хэлэлцүүлсэн.

Панел хэлэлцүүлгийн чиглүүлэгчээр Монголын Хуульчдын холбооны Өмгөөлөгчдийн хорооны удирдах зөвлөлийн гишүүн, өмгөөлөгч Ц.Санжаалхам болон Монголын Хуульчдын холбооны Өмгөөлөгчдийн хорооны Удирдах зөвлөлийн гишүүн, өмгөөлөгч М.Ванчигмаа ажиллаж, панелистаар Монголын Сэтгэл зүйчдийн нийгэмлэгийн Ерөнхийлөгч, доктор Ш.Батсүх, "Шихихутуг" их сургуулийн сэтгэл судлалын тэнхимийн багш, доктор (Ph.D) Ш.Доржханд, "Шихихутуг" их сургуулийн сэтгэл судлалын тэнхимийн багш А.Тайванжаргал, Нийслэлийн Өмгөөлөгчдийн Зөвлөлийн дарга, өмгөөлөгч Б.Солонго нар оролцож, өөрсдийн саналыг хуваалцсан юм.

Өөрийн үнэт цаг завыг зориулан оролцсон илтгэлч, чиглүүлэгч, панелистууд, оролцогчдодоо талархал илэрхийлж, ажлын амжилт хүсье.