Монголын Хуульчдын холбоо, түүний чиг үүргийн хороо болох Хууль зүйн шинжлэх ухаан, хууль зүйн боловсролын хөгжлийг дэмжих хорооноос “Монгол Улс дахь хууль зүйн нэр томъёоны орчуулга, хэрэглээний асуудал” сэдэвт хэлэлцүүлгийг аравдугаар сарын 21-ний өдрийн 16:00 цагт Хуульчдын танхимд зохион байгуулах гэж байна. Энэхүү хэлэлцүүлэг нь хууль зүйн орчуулгын нэр томьёоны хэрэглээний өнөөгийн төлөв, хандлагыг тодорхойлох, хууль зүйн орчуулгын чанар, хэрэглээний талаар харилцан санал солилцох, эдгээр асуудлаар хуульчдын цаашид хийж болох ажлын чиглэл, ирээдүйг тодорхойлох зорилготой юм. Иймд хуульч, эрх зүйчид та бүхнийг тус хэлэлцүүлэгт идэвхитэй оролцохыг урьж байна. Та хэлэлцүүлэгт оролцох бол аравдугаар сарын 21-ний өдрөөс өмнө бүртгүүлнэ үү. Холбоо барих утас: 99035701
| 16:00-16:20 |
Хэлэлцүүлгийг Монголын Хуульчдын холбооны Хууль зүйн шинжлэх ухаан, хууль зүйн боловсролын хөгжлийг дэмжих хорооныдарга, доктор Б.Амарсанаа нээж үг хэлнэ. Тус хорооны гишүүн Ц.Цогт (хууль зүйн магистр) хөтлөн явуулна(хэлэлцүүлэгийн зорилго, хөтөлбөр танилцуулах). |
| 16:20-16:30 |
Сэдэв:Хууль зүйн нэр томьёоны орчуулга, түүний хэрэглээ МУИС-Хууль зүйн сургуулийн багш Б.Сарантуяа (Хэл шинжлэлийн магистр) |
| 16:30-16:45 |
Сэдэв:Хууль зүйн нэр томъёоны эргэн тойронд Хууль зүйн үндэсний хүрээлэнгийн захирал Х.Номингэрэл (хууль зүйн магистр) |
| 16:45-17:30 | Хэлэлцүүлэг (Өмнөх илтгэлүүд болон хууль зүйн нэр томъёотой холбоотой асуулт, хариулт, санал, зөвлөмж) |
