Хуульчийн эрх зүйн байдлын тухайн хуулийн 19 дүгээр зүйлийн 19.1-д “Хуульчийн шалгалтад тэнцэж батламж авсан хүмүүс батламж авсан өдрөөс хойш 90 хоногийн дотор Монголын Хуульчдын холбоонд гишүүнээр элсэх өргөдөл гаргана” гэж заасан.
Үүний дагуу Хуульчдын холбооноос Хуульчийн мэргэжлийн шалгалтад тэнцэж, батламжаа авсан эрх зүйчдийн гишүүнээр элсэх өргөдлийг 2015 оны нэгдүгээр сарын 12-ны өдрөөс эхлэн Холбооны Тамгын газрын 503 тоотод хүлээн авч байгаа билээ. Өнөөдрийн байдлаар 286 хүн өргөдлөө өгөөд байгаа бөгөөд үүнээс 153 нь хуульчийн тангарагаа өргөж, мэргэжлийн үйл ажиллагаа эрхлэх зөвшөөрлийн гэрчилгээгээ хүлээн аваад байна.
Дашрамд дурьдахад, Хуульчийн мэргэжлийн шалгалтыг 2014 оны арваннэгдүгээр сарын 11, 12, 13-ны өдрүүдэд зохион байгуулсан бөгөөд тус шалгалтад тэнцсэн эрх зүйчдийн батламж 2014 оны арванхоёрдугаар сарын 8-ны өдрөөр баталгаажин олгогдож эхэлжээ.
