Монголын Хуульчдын холбооны Өмгөөлөгчдийн хорооноос “Орон сууц захиалгын гэрээний хохирогчид ба хууль тогтоомжийг боловсронгуй болгох асуудал” сэдэвт хэлэлцүүлгийг 2026 оны 03 дугаар сарын 30-ны өдөр зохион байгуулж, орон сууц захиалгын гэрээнээс хохирч буй өнөөдрийн байдлын талаар хэлэлцэж, хууль тогтоомжийг хэрхэн боловсронгуй болгох асуудлыг хөндөж ярилцлаа.

Энэхүү хэлэлцүүлгийн чиглүүлэгчээр Монголын Хуульчдын холбооны Өмгөөлөгчдийн хорооны тэргүүн Д.Оросоо ажилласан бол Монгол Улсын Их хурлын гишүүн П.Сайнзориг Улсын бүртгэлийн ерөнхий хуульд нэмэлт, өөрчлөлт оруулах тухай хуулийн төслийн танилцуулгыг хийж, өмгөөлөгч, судлаач Н.Долгор “Орон сууцны төрлийн залилан мэхлэх гэмт хэргийн судалгаа” сэдвээр илтгэл хэлэлцүүлсэн. Мөн Монголын Барилгын Үндэсний ассоциаци ТББ-ын Гүйцэтгэх захирал М.Энхбаатар тулгамдаж буй асуудлуудаар мэдээлэл өгсөн юм.

Панел хэлэлцүүлгийн чиглүүлэгчээр Монголын Хуульчдын холбооны Өмгөөлөгчдийн хорооны Удирдах зөвлөлийн гишүүн, өмгөөлөгч Ц.Санжаалхам ажиллаж, панелистаар “Цогц өмгөөлөл” ХХН-ийн өмгөөлөгч О.Билгүүн, Монголын Барилгын Үндэсний ассоциаци ТББ-ын Гүйцэтгэх захирал М.Энхбаатар, өмгөөлөгч У.Болдхүү нар оролцож, өөрсдийн саналыг хуваалцсан.

Тус хэлэлцүүлэгт оролцогчдоос гаргасан санал, зөвлөмжийг нэгтгэн хууль санаачлагчдад хүргүүлэх болно.

Өөрийн үнэт цаг завыг зориулан оролцсон илтгэлч, чиглүүлэгч, панелистууд, оролцогчдодоо талархал илэрхийлж, ажлын амжилт хүсье.